உயர்தர பரீட்சையின் இரண்டாம் கட்ட விடைத்தாள் மதிப்பீட்டுப் பணிகள் இன்று ஆரம்பம்

கல்விப் பொதுத் தராதர  உயர்தர பரீட்சையின் இரண்டாம் கட்ட  விடைத்தாள் மதிப்பீட்டுப் பணிகள் இன்று  ஆரம்பமாகவுள்ளன.

விடைத்தாள் திருத்தும் பணிகள் எதிர்வரும்  27 ஆம் திகதி நிறைவுபெறவுள்ளதாக பரீட்சைகள் திணைக்களம் தெரிவித்துள்ளது.

இதற்கமைய  விடைத்தாள் திருத்தும் பணிகள்  முன்னெடுக்கப்படவுள்ள ஆறு பாடசாலைகளுக்கு நாளை தொடக்கம் விடுமுறை வழங்கப்படவுள்ளதாக பிரதி பரீட்சைகள் ஆணையாளர் எஸ். பிரணவதாசன் குறிப்பிடுகின்றார்.

இதேவேளை, ஊவா மாகாண சபைத் தேர்தல் காரணமாக பதுளை மாவட்டத்திற்கான   உயர்தர பரீட்சைக்குரிய இரண்டாம் கட்ட விடைத்தாள் திருத்தும் பணிகள் பிற்போடப்பட்டுள்ளன.

அதற்கமைய, பதுளை மாவட்டத்தில் இரண்டாம் கட்ட விடைத்தாள் திருத்தும் பணிகள் எதிர்வரும் 24 ஆம் திகதி ஆரம்பிக்கப்படும் என பிரதி பரீட்சைகள் ஆணையாளர் சுட்டிக்காட்டியுள்ளார்.

உடனடி செய்திகளுக்கு எப்போதும் East News First வாருங்கள். எங்கள் Facebook மற்றும் Twitter பக்கங்களில் தொடர்பில் இருங்கள்.