டெஸ்ட் போட்டிகளிலிருந்து டெரன் சமி ஓய்வு

மேற்கிந்திய தீவுகள் கிரிக்கெட் அணியின் முன்னாள் தலைவர் டெரன் சமி டெஸ்ட் போட்டிகளிலிருந்து ஓய்வுபெறுவதற்கு தீர்மானித்துள்ளார்.
மேற்கிந்திய தீவுகள் டெஸ்ட் அணியின் புதிய தலைவராக விக்கட் காப்பாளர் தினேஷ் ரம்டின்னை நியமிப்பதற்கு கிரிக்கெட் சபை தீர்மானித்துள்ளது.

இந்த அறிவிப்பை அடுத்து டெரன் சமி டெஸ்ட் போட்டிகளிலிருந்து ஓய்வு பெறுவது தொடர்பில் தமது தீர்மானத்தை வெளியிட்டுள்ளார்.
எனினும் சமி இருபதுக்கு- 20 கிரிக்கெட் அணியின் தலைவராக தொடர்ந்து செயற்படுவார் என தெரிவிக்கப்பட்டுள்ளது.
மேற்கிந்திய தீவுகள் கிரிக்கெட் சபையின் தீர்மானத்தின் அடிப்படையில் எதிர்வரும் ஜூன் மாதம் 8 ஆம் திகதி நியூசிலாந்து அணியுடனான டெஸ்ட் போட்டிகளுக்கு தினேஷ் ரம்டின் தலைமை வகிக்கவுள்ளார்.