2 லட்சம் டொலருக்கு விலைபோன அமெரிக்க ஜனாதிபதியின் கடிதங்கள்!

அமெரிக்க முன்னாள் ஜனாதிபதி ஜான் எப். கென்னடியின் கடிதங்கள் இரண்டு லட்சம் டொலருக்கு ஏலத்தின் மூலம் விற்பனையாகியுள்ளது.

அமெரிக்க முன்னாள் ஜனாதிபதியான ஜான் எப். கென்னடி, 1943-ம் ஆண்டு அமெரிக்க கடற்படையில் பணியாற்றினார்.

அதன்போது, தனது போர்க் கப்பலில் உடன் பணியாற்றிவந்த அமெரிக்க வீரர் ஹரோல்ட் மார்னி-யின் மரணத்ததுக்கு இரங்கல் தெரிவித்து அவரது குடும்பத்தாருக்கு சில கடிதங்களை எழுதியிருந்தார்.

அமெரிக்காவின் பாஸ்டன் நகரில் உள்ள ஒரு ஏல நிறுவனம் இந்த கடிதங்களை சமீபத்தில் ஏலத்தில் விட்டது.

இந்த கடிதங்களை இரண்டு லட்சம் டொலர் கொடுத்து ஒருவர் வாங்கியுள்ளார்.