நீர்கொழும்பு வைத்தியசாலையின் 4ஆவது மாடியிலிருந்து வீழ்ந்தவர் பலி

நீர்கொழும்பு மாவட்ட வைத்தியசாலையின் நான்காவது மாடியிலிருந்து விழுந்து போலியோவினால் பாதிக்கப்பட்ட குடும்பஸ்த்தர் ஒருவர் உயிரிழந்துள்ளதாக வைத்தியசாலை பொலிஸார் தெரிவித்தனர்.


லுனவில, ஸ்டேன்லி ஜோசப் மாவத்தையைச் சேர்ந்த சிரிவர்தன ஹதன்கே செல்டன் காமினி என்ற 49 வயதுடைய இரண்டு பிள்ளைகளின் தந்தையே  சம்பவத்தில் பலியானவராவார்.


இவரது மனைவி மற்றும் பிள்ளைகள் இத்தாலியில் வசித்து வருகின்றனர். குறித்த நபர் கடந்த ஒரு மாதத்திற்கு முன்பே இத்தாலியிலிருந்து  நாடு திரும்பியுள்ளார். கடந்த இரண்டு தினங்களுக்கு முன்னர் அவரது காலில் ஏற்பட்ட பாதிப்பு காரணமாக வைத்தியசாலையில் அனுமதிக்கப்பட்ட நிலையில் வைத்தியசாலையின் நான்காவது மாடியிலிருந்து விழுந்து மரணமாகியுள்ளார்.

சடலம் பிரேத பரிசோதனைக்காக  நீர்கொழும்பு மாவட்ட வைத்தியசாலையில் வைக்கப்பட்டுள்ளது.

சம்பவம் தொட்ரபாக நீர்கொழும்பு பொலிஸார் மேலதிக விசாரணைகளை மேற்கொண்டு வருகின்றனர்.