நடைபெறவுள்ள ஜனாதிபதி தேர்தலில் மஹிந்த ராஜபக்ஷ திடீரென பலவீனமடைந்துள்ளதாக சர்வதேச ஊடக செய்தியாளர் ஒருவர் சுட்டிக்காட்டியுள்ளார்.எதிரணியினர், பொருத்தமான வேட்பாளர் ஒருவரைத் தெரிவு செய்வதற்கு முன்னதாக, தேர்தலை நடத்தி விட வேண்டும் என்று முந்திக் கொண்டு தேர்தலை அறிவித்த மஹிந்த தற்போது நெருக்கடியில் சிக்கியுள்ளார்.
சிறிலங்காவில் ஆளும்கட்சியை நோக்கி கட்சி தாவுவது வழக்கம் என்றாலும், தற்போது நிலைமை தலைகீழாக மாறி, எதிரணியை நோக்கி ஆளும்கட்சியினர் தாவுகின்றனர்.
69 வயதான ஜனாதிபதி மஹிந்த திடீரென இளைத்துப் போனவராகவும் பலவீனமானவராகவும் தென்படுகிறார், அண்மையில் அவர் ஒரு பரப்புரைக் கூட்டத்தைப் பாதியிலேயே கைவிட நேர்ந்தது.
அதிகம் கவர்ச்சியற்றவராக இருந்தாலும் மைத்திரிபால சிறிசேன தற்போது, வேகமாக முன்னிலை வகித்து வருகிறார்.
இந்த தேர்தலில் மஹிந்த ராஜபக்ச தோல்வியடைந்தால், மகுடத்தை அமைதியாக ஒப்படைப்பாரா என்று கேள்வி எழுந்துள்ளது.
சிறிலங்காவில் நடைபெறும் ஜனாதிபதி தேர்தல் பிபிசியின் செய்தியாளர் சாள்ஸ் ஹவிலன்ட் எழுதிய கட்டுரையில் இந்த விடயங்களை குறிப்பிட்டுள்ளார்.
No comments:
Post a Comment
Leave A Reply