இரண்டாயிரம் டிப்ளோமாதாரிகளுக்கு ஆசிரிய நியமனம்

2011/2013 கல்வி ஆண்டுக்கான டிப்ளோமாதாரிகள் 2,808 பேருக்கு நேற்று ஆசிரிய நியமனங்கள் வழங்கப்பட்டுள்ளன.
ஜனாதிபதி மஹிந்த ராஜபக்ஸ தலைமையில், கொழும்பு சுகததாஸ உள்ளக அரங்கில் நடைபெற்ற நிகழ்வொன்றில் இந்த நியமனங்கள் வழங்கப்பட்டுள்ளன.

நாடளாவிய ரீதியில் காணப்படும் பாடசாலைகளுக்கு விஞ்ஞானம், கணிதம் மற்றும் தகவல் தொழில்நுட்ப பாடங்களுக்கு இந்த நியமனங்கள் வழங்கப்பட்டுள்ளன.

நாடெங்கிலும் உள்ள தேசிய பாடசாலைகள் மற்றும் மாகாண மட்டத்தில் வெற்றிடம் நிலவும் பாடசாலைகளுக்கு ஆசிரியர் நியமனங்கள் வழங்கப்படவுள்ளமை குறிப்பிடத்தக்கதாகும்.