உலக கோப்பை கால்பந்து சூதாட்டம்; 3 பேர் கைது

ஒட்டன்சத்திரம்,ஜூலை.08 (டி.என்.எஸ்) பிரேசில் நாட்டில் நடைபெற்று வரும் உலக கோப்பை கால்பந்து போட்டியை வைத்து சூதாட்டம் நடத்திய 3 பேர் தமிழகத்தில் கைது செய்யப்பட்டுள்ளனர்.பிரேசிலில் உலக கோப்பை கால்பந்து போட்டி நடந்து வருகிறது. இந்த போட்டிகளை குறிவைத்து இறுதிபோட்டியில் வெற்றி பெறும் அணி குறித்து சூதாட்டம் நடைபெறுவதாக ஒட்டன்சத்திரம் போலீசாருக்கு தகவல் கிடைத்தது.

அதன்பேரில் இன்ஸ்பெக்டர் இளவரசு தலைமையிலான போலீசார் ரோந்து பணி மேற்கொண்ட போது தாராபுரம் ரோட்டில் உள்ள ஒரு தனியார் மில்லில் சூதாட்டம் நடத்திக் கொண்டிருந்தது தெரிய வந்தது.

அம்பிளிக்கை டி.கே.புதூரை சேர்ந்த மணிகண்டன் (வயது54), ஒட்டன்சத்திரம் தங்கவேலு (45), தும்மிச்சம்பட்டியை சேர்ந்த கார்த்திக் (28) ஆகிய 3 பேரும் நாளை (8–ந் தேதி) நடக்கும் போட்டியில் ஜெர்மனி அணி வெற்றி பெரும் என்றும் பிரேசில் அணி தோற்கும் என்றும் சூதாட்டம் நடத்தி இதில் மேலும் சிலரை பணம் கட்ட முயற்சி செய்தது தெரிய வந்தது.

அரண்மனைப்புதூரை சேர்ந்த மணிகண்டன் அளித்த புகாரின் பேரில் போலீசார் மேற்படி 3 பேரையும் கைது செய்தனர்.