இந்தப் போட்டியில் நாணய சுழற்சியில் வென்ற மும்பை அணி முதலில் துடுப்பெடுத்தாடத் தீர்மானித்தது.
அந்த அணி சார்பில் ரோஹித் சர்மா 50 ஓட்டங்களையும், அன்றசன் 39 ஓட்டங்களையும் விளாச 20 ஓவர்கள் முடிவில் 7 விக்கெட்டுக்களைப் பறிகொடுத்து 141 ஓட்டங்களை பெற்றுக் கொண்டது.
இதன்படி மும்பை அணி நிர்ணயித்த 141 ஓட்டங்களை நோக்கி சென்னை அணியின் சுமித்தும் மெக்கல்லமும் தங்களது துரத்தலை தொடங்கினர்.
சுமித் 29 ஓட்டங்களில் ஆட்டமிழந்தார். அவரை பின்தொடர்ந்து களமிறங்கிய ரெய்னா ஓட்டத்துடன் வௌியேறினார்.
எனினும் மெக்கல்லம் தனது அதிரடி ஆட்டத்தினால் அரைச்சதத்தினை பூர்த்தி செய்தார். டு பிளிசஸ் தனது பங்கிற்கு 20 ஓட்டங்களை எடுத்து ஆட்டமிழந்தார்.
பின்னர் களமிறங்கிய தோனி தலா ஒரு பவுண்டரி மற்றும் ஒரு சிக்சர் விளாசினார்.
இதனால் சென்னை அணி 19 ஓவர்கள் முடிவில் 3 விக்கெட்டுக்களை இழந்து 142 ஓட்டங்களைப் பெற்று வெற்றி இலக்கை எட்டியது.
கடைசி வரை ஆட்டமிழக்காமல் இருந்த மெக்கல்லம் 53 பந்துகளில் 8 பவுண்டரிகள் மற்றும் 2 சிக்சருடன் 71 ஓட்டங்களைக் குவித்தார். சென்னை அணிக்கு இது மூன்றாவது வெற்றியாகும்.
No comments:
Post a Comment
Leave A Reply