லொறியுடன் மோட்டார் சைக்கிள் மோதியதில் தாய், மகன் பலி

கெகிராவ - தம்புள்ள பிரதான வீதியின் 80ம் கட்டைக்கு அருகில் இடம்பெற்ற வாகன விபத்தில் ஒரே குடும்பத்தைச் சேர்ந்த இருவர் உயிரிழந்துள்ளனர்.

இன்று (10) காலை 7.30 அளவில், லொறி ஒன்றுடன் மோட்டார் சைக்கிள் மோதியதில் இந்த விபத்து ஏற்பட்டுள்ளது.

இதன்போது மோட்டார் சைக்கிளில் பயணித்த இருவர் படுகாயமடைந்த நிலையில் வைத்தியசாலையில் அனுமதிக்கப்பட்ட வேளை பலியாகியுள்ளதாக பொலிஸார் குறிப்பிட்டுள்ளனர்.

கெக்கிராவ - மெதகம பகுதியைச் சேர்ந்த 21 வயதான இளைஞரும் 48 வயதான அவரது தாயுமே இவ்வாறு உயிரிழந்துள்ளனர்.

சம்பவத்துடன் தொடர்புடைய லொறி சாரதி கைதுசெய்யப்பட்டுள்ளார்.