இலங்கை ஜனாதிபதி மைத்திரியின் சகோதரர் மரணம்!

இலங்கை ஜனாதிபதி மைத்திரிபால சிறிசேன அவர்களின் சகோதரர் இன்று காலை மரணமடைந்தார்.

அவர் மீது மேற்கொள்ளப்பட்ட கோடாரி தாக்குதலை தொடர்ந்து கொழும்பு தனியார் மருத்துவமனையில் சிகிச்சை பெற்று வந்த பிரியந்த சிறிசேன (40), இன்று காலை மரணமடைந்தார்.

பிரியந்த சிறிசேன, மூன்று பிள்ளைகளின் தந்தையுமாவார். அவர் தனது குடும்பத்தின் இளையவராகவும் மற்றும் ஆகிய நிறுவனங்களின் உரிமையாளராருமாவார்.

உடல் பொலன்னறுவை எதுமளிபிட்டியவில் உள்ள அவரது இல்லத்தில் தற்போது இருக்கின்றது, அவரது நல்ல‌டக்கம் திங்கள்  3.00 மணியளவில் பொலன்னறுவை மயானத்தில் இடம்பெறும்.

அவரது பின் தலையில், மூளைக்குள் இரத்தக் கசிவு ஏற்பட்டுள்ளதாகவும், இயந்திர உதவியுடனேயே அவர் சுவாசித்துக் கொண்டிருப்பதாகவும் வைத்தியசாலை வட்டாரங்கள் தெரிவித்திருந்தன.

நேற்று முன்தினம் இரவு 7.00 மணியளவில் பொலன்னறுவை பிரதேசத்தில் இடம்பெற்ற தாக்குதல் சம்பவத்தில் பிரியந்த சிறிசேன படுகாயமடைந்துள்ளார். காயமடைந்த பிரியந்த சிறிசேன பொலன்னறுவை வைத்தியசாலையில் தீவிர சிகிச்சைப் பிரிவில் முதலில் அனுமதிக்கப்பட்டு, பின்பு கொழும்புக்கு மாற்றப்பட்டுள்ளார். இவர் தற்பொழுது தனியார் வைத்தியசாலையில் வைத்தே மரணமடைந்துள்ளார் என்பதும் குறிப்பிடத்தக்கது.