தமிழக மீனவர்களைப் பாதுகாக்கத் தவறின் அவர்கள் ஆயுதம் ஏந்துவதை தவிர்க்கமுடியா! இந்திய அரசுக்கு பழ.நெடுமாறன் எச்சரிக்கை!!

தமிழக மீனவர்களை இலங்கைக் கடற்படையிடம் இருந்து பாதுகாக்க மத்திய, மாநில அரசுகள் தவறினால், மீனவர்கள் தங்களின் பாதுகாப்புக்காக ஆயுதப் பயிற்சி பெறுவது தவிர்க்கமுடியாதது என்று எச்சரித்துள்ளார் தமிழர் தேசிய இயக்கத் தலைவர் பழ.நெடுமாறன்.
இதுகுறித்து அவர் நேற்று செய்தியாளர்களிடம் தெரிவித்தவை வருமாறு:-

இந்திய மத்திய அரசு கச்சதீவை இலங்கைக்குத் தாரைவாக்கும் வகையிலேயே செயற்படுகிறது.

கச்சதீவின் உரிமையை கட்டுப்படுத்துவதற்கு மத்திய அரசு தவறிவிட்டது. தற்போது பாரதீய ஜனதாக் கட்சி அரசும் அந்த நிலைப்பாட்டிலேயே இருக்கிறது.

இதனைவிடுத்து இலங்கையிடம் இருந்து கச்சதீவை மீட்க நடவடிக்கை எடுக்கவேண்டும். இலங்கையுடன் இணைந்து சீனா, கச்சதீவை கட்டுப்படுத்த முயற்சித்து வருகிறது.

இது எதிர்காலத்தில் இந்தியாவுக்குப் பேராபத்துக்களையே தரும்.- என்றார்.