இலங்கையில் சிறுநீரக சிகிச்சை நிலையம்! சீனா இணக்கம்

சிறுநீரக சிகிச்சை நிலையமொன்றை அமைத்துக் கொடுக்க சீனா இணக்கம் வெளியிட்டுள்ளது.

இலங்கைக்கும் சீனாவிற்கும் இடையிலான உறவுகளை வலுப்படுத்திக் கொள்ளும் நோக்கில் இந்த உதவி வழங்கப்பட உள்ளது.

சீனாவிற்கு விஜயம் செய்துள்ள ஜனாதிபதி மைத்திரிபால சிறிசேன, நான்கு உடன்படிக்கைகளில் கைச்சாத்திட்டுள்ளார்.

பூரண வசதிகளுடன் கூடிய சிறுநீரக சிசிச்சை பிரிவு ஒன்று, சிறுநீரக நோய் பரிசோதனை செய்வதற்கு அதி நவீன வசதிகளுடன் கூடிய ஆய்வு நிலையம் மற்றும் எம்.ஆர்.ஐ. ஸ்கேன் இயந்திரம் ஆகியனவற்றை வழங்க இணக்கம் காணப்பட்டுள்ளது.

பொதுமக்கள் சுகாதாரத்தை மேம்படுத்தும் நோக்கில் இந்த உடன்படிக்கை கைச்சாத்திடப்பட்டுள்ளது. சீன வர்த்தக அமைச்சிற்கும் இலங்கை சுகாதார அமைச்சிற்கும் இடையில் உடன்படிக்கை கைச்சாத்திடப்பட்டுள்ளது.

2000 இளம் விஞ்ஞானிகளுக்கு பயிற்சிகளை வழங்கவும் சீனா இணக்கம் வெளியிட்டுள்ளது.