தென்னாபிரிக்காவுக்கு வெற்றி!

இலங்கைக்கு எதிரான முதல் டெஸ்ட் போட்டியில் தென்னாபிரிக்கா அணி மிகப்பெரிய வெற்றியைப் பெற்றுள்ளது.
இலங்கை வந்துள்ள தென்னாபிரிக்கா அணி கிரிக்கெட் தொடரில் விளையாடி வருகின்றது. ஒருநாள் தொடரை 2:1 என்ற கணக்கில் தென்னாபிரிக்கா வென்ற நிலையில் கடந்த வியாழக்கிழமை முதல் டெஸ்ட் போட்டி காலியில் தொடங்கியது.

இதில் நாணயச்சுழற்சியில் வென்று முதலில் துடுப்பெடுத்தாடிய தென்னாபிரிக்கா அணி 9 விக்கெட்டுக்களை இழந்து 455 ஓட்டங்களைப் பெற்ற நிலையில் முதல் இனிங்ஸ் ஆட்டத்தை நிறுத்தியது.

பதிலுக்கு தனது முதல் இனிங்ஸில் துடுப்பெடுத்தாடிய இலங்கை அணி 292 ஓட்டங்களுக்கு சகல விக்கெட்டுக்களையும் இழந்தது.

இதனால் 163 ஓட்டங்கள் முன்னிலை பெற்று இரண்டாவது இனிங்ஸில் துடுப்பெடுத்தாடிய தென்னாபிரிக்கா அணி 206 ஓட்டங்களுக்கு 6 விக்கெட்டுக்களை இழந்த நிலையில் இரண்டாவது இனிங்ஸை இடைநிறுத்தி இலங்கை அணியை துடுப்பெடுத்தாடுமாறு கேட்டது.

இரண்டாவது இனிங்ஸில் துடுப்பெடுத்தாடிய இலங்கை அணி 216 ஓட்டங்களுக்கு சகல விக்கெட்டுக்களையும் இழந்தது.

இதனால் 153 ஓட்டங்களால் தென்னாபிரிக்கா வெற்றி பெற்றது. இரு இனிங்ஸ்களிலுமாக 9 விக்கெட்டுக்களைக் கைப்பற்றிய ஸரெய்ன் ஆட்டநாயகனாகத் தெரிவானார்.