சீமேந்து தொழிற்சாலையில் இரும்பு திருட்டு 15 பேர் கைது

காங்கேசன்துறை சீமேந்து தொழிற்சாலையில் சட்டவிரோதமாக இரும்புகள் ஏற்றிய  15 பேர் கைதுசெய்யப்பட்டுள்ளதாக பொலிஸார் தெரிவித்துள்ளனர்.
யாழ். பொலிஸ் தலைமையகத்தில் இன்று இடம்பெற்ற வாராந்த ஊடகவியலாளர் சந்திப்பின் போது யாழ். மாவட்ட சிரேஸ்ட  பொலிஸ் அத்தியட்சகர் விமலசேன தெரிவித்தார்.

அவர் மேலும் தெரிவிக்கையில்-

காங்கேசன்துறை சீமேந்து தொழிற்சாலை துப்பரவுப்பனிக்ககாக நிறுவனம் ஒன்றிற்கு வழங்கப்பட்டிருந்த காலவதியான அனுமதிபத்திரத்தை வைத்து இரும்புகளை வெட்டியதற்காக இவர்களை கைதுசெய்து நீதிமன்றில் முற்படுத்தியுள்ளோம்.

இவர்களில் 14 சந்தேகநபர்களை 4 மாதம் 29 திகதி கைது செய்து நீதிமன்றில் முற்படுத்திய போது பிணையில் விடுதலை செய்யப்பட்டுள்ளனர் இதேவேளை மல்பானை பகுதியை சேர்ந்த பிரதான சந்தேக நபரை  4 மாதம் 30 திகதி கைதுசெய்து நீதிமன்றில் முபடுத்தி இன்றுவரை விளக்கமறியலில் வைக்கப்பட்டுள்ளார்.

இவர்கள் அனைவரும் தென்னிலங்கையை சேர்ந்தவர்கள் என்றும், இவர்கள் பயன்படுத்திய வாகனமும், இரும்புவெட்டும் இயந்திரமும்,  காஸ் சிலிண்டரும் கைப்பற்றி நீதிமன்றில் ஒப்படைத்துள்ளதாக அவர் மேலும் தெரிவித்தார்.