கிரான்ட்பாஸ் பகுதியில் கூரிய ஆயுதத்தினால் தாக்கி இளைஞன் பலி

கிரான்ட்பாஸ் பகுதியில் நேற்று மாலை கூரிய ஆயுதத்தினால் தாக்கி, ஒருவர் கொல்லப்பட்டதுடன், மற்றுமொருவர் காயமடைந்துள்ளார்.

காயமடைந்த நிலையில் வைத்தியசாலையில் அனுமதிக்கப்பட்ட இளைஞன் ஒருவர், வைத்தியசாலையில் அனுமதிக்கப்பட்டதன் பின்னர் உயிரிழந்ததாக தேசிய வைத்தியசாலையின் பணிப்பாளர் டொக்டர் அனில் ஜாசிங்க கூறினார்.

காயமடைந்த மற்றுமொருவர் தேசிய வைத்தியசாலையின் அவசர சிகிச்சை பிரிவில் சிகிச்சை பெற்றுவருவதாக அவர் தெரிவித்தார்.

இதேவேளை,சப்புகஸ்கந்த பகுதியில் இளைஞர் ஒருவர் மீது துப்பாக்கிப் பிரயோகம் மேற்கொண்டு,  கொலை செய்தமை தொடர்பில், மேல் மாகாண வடக்கு பிராந்திய குற்றத் தடுப்பு பிரிவினரால் ஆறு பேர் கைதுசெய்யப்பட்டுள்ளனர்.

சந்தேகநபர்கள் தடுத்துவைக்கப்பட்டு, விசாரணைக்கு உட்படுத்தப்பட்டுள்ளதாக பொலிஸார் தெரிவிக்கின்றனர்.

மோட்டார் சைக்கிளில் சென்றுகொண்டிருந்த குறித்த நபர் மீது மற்றுமொரு மோட்டார் சைக்கிளில் வந்தவர்களால் துப்பாக்கிப் பிரயோகம் நடத்தப்பட்டுள்ளது.