ஹட்டன் – டிக்கோயா பஸ் விபத்தில் 27 பேர் காயம்

ஹட்டன் – டிக்கோயா பகுதியில் இன்று (15) மாலை இடம்பெற்ற பஸ் விபத்தில் 27 பேர் காயமடைந்துள்ளனர்.

இரண்டு தனியார் பஸ்கள்

ஒன்றோடொன்று மோதியதில் இந்த விபத்து இடம்பெற்றுள்ளது.

மஸ்கெலியாவில் இருந்து ஹட்டன் நோக்கிப் பயணித்த பஸ் ஒன்றும், ஹட்டனில் இருந்து சாமிமலை நோக்கிச் சென்ற பஸ்ஸும் நேருக்கு நேர் மோதி விபத்துக்குள்ளானதாக எமது பிராந்திய செய்தியாளர் குறிப்பிட்டார்.

இந்த விபத்தில் காயமடைந்த 27 பேர் டிக்கோயா கிளங்கன் வைத்தியசாலையில் அனுமதிக்கப்பட்டுள்ளனர்.

காயமடைந்தவர்களில் 17 பெண்களும், 8 ஆண்களும், 2 சிறுவர்களும் அடங்குவதாக கிளங்கன் வைத்தியசாலையின் பேச்சாளர் ஒருவர் கூறினார்.