தாயை கொலை செய்து சூட்கேஸ்ஸில் அடைத்த மகளும் காதலனும் (photos)

இந்தோனேஷியாவில் பெண்ணொருவர் கொலை செய்யப்பட்டு, சூட்கேஸ்ஸில் அடைக்கப்பட்ட நிலையில் கண்டுபிடிக்கப்பட்டுள்ளது.


இந்தோனேஷியாவில் உள்ள ஜகர்தா என்ற இடத்தில் உள்ள ஒரு பிரபல நட்சத்திர ஹோட்டலில் தங்கியிருந்த ஒரு காதல் ஜோடி ஒன்று தங்கியிருந்த அறையில் பெண்ணின் சடலம் கண்டுபிடிக்கப்பட்டுள்ளது.

சம்பவம் தொடர்பில் தெரிய வருவதாவது:

ஹோட்டலில் தங்கியிருந்த ஒரு காதல் ஜோடி, அறையை காலி செய்யும் போது மிகப்பெரிய சூட்கேஸ் ஒன்றை எடுத்துக்கொண்டு வெளியே வந்தனர்.

அப்போது அவர்கள் ஹோட்டல் நிர்வாகத்தினர்களிடம் இந்த சூட்கேஸில் விலைமதிப்புள்ள பொருட்கள் இருப்பதாகவும், இதை சிறிது நேரம் கவனமாக பார்த்துக்கொள்ளும்படியும், தாங்கள் சில நிமிடங்களில் மீண்டும் வந்து இந்த சூட்கேஸை எடுத்துக்கொண்டு செல்வதாகவும் கூறிவிட்டு சென்றனர்.

ஆனால் பல மணிநேரம் ஆகியும் அந்த தம்பதிகள் திரும்பாததால் சந்தேகம் அடைந்த ஓட்டல் நிர்வாகத்தினர் சூட்கேஸின் கவரை பிரித்து பார்த்தபோது அதன்மேல் ரத்தக்கறை இருந்ததை பார்த்து அதிர்ச்சி அடைந்தனர்.


பின்னர் காவல்துறையினர்களுக்கு தகவல் கொடுத்து அவர்கள் முன் சூட்கேஸை திறந்து பார்த்தபோது, அதில் 60 வயது மதிக்கத்தக்க ஒரு பெண்ணின் பிணம் நிர்வாண நிலையில் இருந்ததை பார்த்து அதிர்ச்சி அடைந்தனர்.

இதனையடுத்து உடனடியாக  ஜகார்தா பொலிஸாருக்கு தகவல் கொடுக்கப்பட்டது.

இது குறித்து விசாரணை நடத்திய பொலிஸார், உயிரிழந்த பெண்ணின் 19 வயது மகளையும் 21 வயதான மகளின் காதலனையும் கைது செய்துள்ளனர்.

அமெரிக்காவைச் சேர்ந்த ஷீலா வென் வியஸ்ஸி மேக் என்ற 62 வயது பெண்மணியே இவர்களால் கொலை செய்யப்பட்டவராவர்.

உடனடி செய்திகளுக்கு எப்போதும் East News First வாருங்கள். எங்கள் Facebook மற்றும் Twitter பக்கங்களில் தொடர்பில் இருங்கள்.