நான்கு லட்சம் ரூபா பெறுமதியான தங்கூசி வலைகள் மீட்பு

நாவாந்துறை, கொட்டடி பகுதிகளில் சட்டவிரோத தங்கூசி வலைகள் சிலவற்றை யாழ்.கடற்றொழில் நீரியல் வளத்துறைத் திணைக்கள அதிகாரிகள் மீட்டுள்ளனர்.
நீரியல் வளத்துறைத் திணைக்கள அதிகாரிகள் குறித்த பகுதியில் இன்று அதிகாலை காலை 6.00 மணிமுதல் மேற்கொண்ட திடீர் தேடுதல் வேட்டையின் போது தலா ஒரு லட்சம் ரூபா  பெறுமதியான நான்கு தொகுதி சட்டவிரோத தங்கூசி வலைகளை மீட்டுள்ளதாக திணைக்கள அதிகாரி ஒருவர் தெரிவித்தார்.

குறித்த வலைகள் தொடர்பில் இதுவரை எவரும் உரிமை கோராததால் கைது செய்யப்படவில்லை என்றும், இன்று மதியம் யாழ். நீதிமன்றத்தில் வலைகள் சமர்ப்பிக்கப்படவுள்ளதாகவும் அவர் மேலும் தெரிவித்தார்.