என்ஜினீயரிங் மாணவியை ஒருதலைபட்சமாக காதலித்து வந்தாராம். இதுபற்றி எதுவும் தெரியாத மாணவி சம்பவத்தன்று அங்குள்ள பஸ் நிறுத்தத்தில் நின்றிருந்தார். அப்போது அங்கு வந்த விமலரசன் மாணவியிடம் தன்னை காதலிக்க வேண்டும் என்று வற்புறுத்தியதாக கூறப்படுகிறது.
இதற்கு மறுத்ததால் அவரிடம் மீண்டும் மீண்டும் காதலிக்குமாறு கேட்டு விமலரசன் தகராறு செய்ததாக தெரிகிறது. இதனால் அந்த மாணவி அங்கிருந்து நகர்ந்து சென்றார்.
இதில் ஆத்திரமடைந்த விமலரசன், தான் மறைத்து வைத்திருந்த ஆசிட்டை எடுத்து அவர் முகத்தின் மீது ஊற்ற முயன்றாராம். ஆனால் சுதாரித்துக் கொண்ட மாணவி விலகிக் கொண்டதால் அவர் மீது அசிட் விழாமல் தப்பித்தார்.
இதனால் அவரை நோக்கி வீசப்பட்ட அசிட் பாட்டில் கீழே விழுந்து அதிலிருந்து புகை கிளம்பியது. இதைப் பார்த்ததும் மாணவி சத்தம் போட்டு அலறியுள்ளார். அவரது சத்தத்தை கேட்டு அங்கிருந்தவர்கள் ஓடி வந்ததை தொடர்ந்து வாலிபர் விமலரசன் அங்கிருந்து தப்பி ஓடி விட்டார்.
இந்த சம்பவம் பற்றி மாணவி தனது வீட்டில் தெரிவித்ததை தொடர்ந்து அவரது சகோதரர் சிவா தனது நண்பர்களுடன் சென்று பரவை ஓடைகரை பகுதியில் நடந்து வந்த விமலரசனை பிடித்து அடித்து உதைத்தாக கூறப்படுகிறது. இதில் காயமடைந்த அவர் மதுரை பெரிய வைத்தியசாலையில் சிகிச்சைக்காக சேர்க்கப்பட்டுள்ளார்.
இதுபற்றிய புகாரின் பேரில் சமயநல்லூர் பொலிஸ் இன்ஸ்பெக்டர் குரு வெங்கட்ராஜ் வழக்குபதிவு செய்து விசாரித்து வருகிறார்.
No comments:
Post a Comment
Leave A Reply