10-04-2014 இன்றைய சிறப்பு படங்கள்

விழுப்புரத்தில் இருந்து சேலம் நோக்கி நேற்று காலை வந்துகொண்டிருந்த தனியார் பஸ், அம்மாபேட்டை அருகே சாலையின் நடுவே உள்ள தடுப்பு சுவரில் மோதியது. இதில், டீசல் டேங்க் வெடித்து பஸ் தீப்பிடித்து எரிந்தது. பஸ் பயணிகள் 52 பேர் அதிர்ஷ்டவசமாக உயிர் தப்பினர்.

கோலார் தேர்தல் பிரசார கூட்டத்தில், சோனியா காந்தியிடம் ஆசி பெறுகிறார் வேட்பாளர் முனியப்பா. கர்நாடக முதல்வர் சித்தராமையா அருகில் உள்ளார்.

வடகிழக்கு மாநிலமான அருணாச்சலப் பிரதேசத்தில் நேற்று வாக்குப் பதிவு நடைபெற்றது. சீரா கிராமத்தில் வாக்களிக்க நீண்ட வரிசையில் காத்திருக்கும் பெண்கள். மக்களவை தேர்தலை முன்னிட்டு பலத்த பாதுகாப்பு ஏற்பாடுகள் செய்யப்பட்டிருந்தது.

தி.மு.க. பொருளாளர் மு.க.ஸ்டாலின், தர்மபுரி தொகுதி திமுக வேட்பாளர் தாமரைசெல்வனை ஆதரித்து பென்னாகரத்தில் நேற்று வாக்கு சேகரித்தார். அப்போது, பல்லாயிரகணக்கானோர் அங்கு கூடி இருந்து அவரது பேச்சை கேட்டனர். உள்படம்: வேட்பாளருடன் மு.க.ஸ்டாலின்.

மதுரை மாவட்டம் வாடிப்பட்டியில் அமைச்சர் ஓ.பன்னீர்செல்வம் முன் அதிமுகவினர் கோஷ்டி மோதல் வெடித்தது. அவர்களை சமாதானப்படுத்த அமைச்சர் முயற்சி செய்கிறார்.

சைதாப்பேட்டை காவல் நிலையம் பின்புறம், பஜார் தெருவில் சாலையை ஆக்கிரமித்து அதிமுகவினரின் கார்கள் மற்றும் வாகனங்கள் நிறுத்தப்பட்டுள்ளதால் போக்குவரத்துக்கு இடையூறு ஏற்பட்டுள்ளது.

தேர்வுகள் முடிந்த மகிழ்ச்சியில் கொண்டாடும் மாணவிகள்.