சிகரட் வாங்கச் சென்ற வேளை தகராறு - இளைஞர் பலி

மஹஓய பிரதேசத்தில் பொல்லால் தலையில் தாக்கப்பட்டு ஒருவர் கொலை செய்யப்பட்டுள்ளார்.

நேற்றையதினம் (15) இரவு, இந்த சம்பவம் இடம்பெற்றுள்ளது.

அந்தப் பகுதியில் உள்ள கடையொன்றிற்கு சிகரெட் வாங்கச் சென்ற வேளை, கடையில் இருந்த ஒருவருடன் ஏற்பட்ட முரண்பாடு காரணமாகவே இவர் தாக்கப்பட்டுள்ளார்.

பின் 32 வயதான குறித்த இளைஞர், காயமடைந்த நிலையில், மஹஓய வைத்தியசாலையில் அனுமதிக்கப்பட்ட போது, உயிரிழந்துள்ளதாக தெரியவந்துள்ளது.

சந்தேகநபர் கைதுசெய்யப்பட்டுள்ளதோடு, சம்பவம் குறித்த மேலதிக விசாரணைகளை மஹஓய பொலிஸார் மேற்கொண்டு வருகின்றனர்.