வாகன விபத்தில் இருவர் பலி: ஐவர் காயம்

நாரம்மல - குளியாப்பிட்டிய வீதியில் ஒகல்பல சந்திக்கு அருகில் இடம்பெற்ற விபத்தில் இருவர் உயிரிழந்துள்ளதுடன் மேலும் ஐவர் காயமடைந்துள்ளனர்

முச்சக்கரவண்டி ஒன்றும் ஜீப் வண்டி ஒன்றும் மோதுண்டதில் இவ் விபத்து நேர்ந்துள்ளது.

இந்த விபத்தில் உயிரிழந்தவர்கள் மற்றும் காயமடைந்தவர்கள் முச்சக்கரவண்டியில் பயணித்தவர்கள் என பொலிஸார் தெரிவித்தனர்.

90 வயதான பெண் ஒருவரும் 50 வயதான ஆண் ஒருவரும் விபத்தில் உயிரிழந்துள்ளனர்.

காயமடைந்தவர்கள் குளியாப்பிட்டிய வைத்தியசாலையில் அனுமதிக்கப்பட்டுள்ளனர்.

விபத்துடன் தொடர்புடைய ஜீப் சாரதி கைது செய்யப்பட்டுள்ளார்.