சாரதியின் தூக்கக் கலக்கத்தால் கங்கையில் விழுந்த வேன் - ஐவர் பலி

கதிர்காமம் - தெடகம கங்கையில் விழுந்து வேன் ஒன்று விபத்துக்குள்ளாகியதில் ஐவர் உயிரிழந்துள்ளனர்.

கண்டியில் இருந்து கதிர்காமம் நோக்கிச் சென்ற குறித்த வேன், இன்று அதிகாலை 5.30 அளவில் விபத்துக்குள்ளாகியுள்ளது.

சாரதியின் தூக்கக் கலக்கத்தினாலேயே இந்த விபத்து ஏற்பட்டுள்ளதாக பொலிஸார் சந்தேகம் வௌியிட்டுள்ளனர்.

விபத்தில் மூன்று பெண்கள் மற்றும் இரு ஆண்களும் பலியாகியுள்ளதோடு, சுமார் ஐந்தரை வயது குழந்தை ஒன்று காப்பாற்றப்பட்டுள்ளதாக பொலிஸார் ​மேலும் குறிப்பிட்டுள்ளனர்.